Till huvudinnehåll

Baso Shkolaki inspektcia

E Školaki inspekcija tani jekh državno institucija koja isila sar cilj sa o čhave hem o učenikija te dobinen ekvivalentno hem kvalitetno edukacija ko jekh sigurno okruženje.

Amen čera inspekcije ko škole hem procenina da li ka phraven pe o slobodna škole hem proverina da li o škole poštuinena (ičerena) o zakonija hem o pravilija.

Ki Školaki inspekcija isi Čhavorengo hem učenikonengo ombud (pravobranilac) BEO

Čhavorengo hem učenikonengo ombud (BEO) dikhela e čhavorenge hem učenikonenge pravija hem istražini ando mobning hem zlostavibe ki škola. BEO šaj čak te rodel odšteta e čhavorese hem e učenikonese kova doživija zlostavibe hem mobning.

Nepravilno čeriba ki škola (Ked ki škola na čerela pe šukar)

Akate isi informacija tuče kova doživineja so isi problemi ki škola ja te jekh čhavoro ja učenik hine but lošno tretirimo (ja džiko ki škola ponašija pe but lošno premalo ljeste.)

Vačer e predškolsko ja e škola

  • Te isi dijekh problemi ko predškolsko/škola valjani te phene odova e učiteljese, e direktorese ja džikasa avereja kova čerela buti ki škola. O direktor isilje odgovornost o čhavoro/učenik te dobini odija podrška koja valjani oljese. O direktor tano e učiteljengo šefi hem tano šefi hem sarinendže kola čerena buti ko predškolsko/škola.
    Vänd dig till skolhuvudmannens klagomålshantering

Dža ki odgovorno institucija e školače te žaljine tut

  • Te na hijan zadovoljno sar o direktor čerdža (postupija), valjani te večere džikasa koj tano glavno. Odova koj tano glavno šaj te ovel i opština ja džiko koj tano odgovorno ki jekh privatno škola. Ov tano glavno hem odgovorno sa o čhavore hem o učenikija te dobinen jekh šukar školujibe hem te osetinen pe sigurna ki škola. Odova koj tano glavno valjani te primini tiklji žalba hem te istražini la.
  • Te mangeja te ačhave i žalba odoljese koj tano glavno, šaj te istražine kokri oljenge kontakt-informacije ko školako veb-sajt. Šaj hem te puče džikas ki škola te valjani če pomoć.

De informacije e Školake inspekcijače

Te isi ozbiljna problemija ki jekh škola, a odova koj tano glavno ki škola na rešini odova problemi, šaj te kontaktirine e Školaki inspekcija.

  • Amen na istražina sa o informacije kola dobina nego odlučina da li valjani te pokrenina jekh istraga te isimen ovlašćenje odoljese. Palo odova dikha ko savo način ka čerel pe.
  • Odova so odlučini da li ka pokrenina jekh istraga ja na, tano amaro iskustvo angljeder, andi odija škola hem oljengi glavno osoba hem eventualna aver signalija kola dobijam. Odova šaj te ovel, sar ko primer, so o čhave, o personali hem o starateljija pisije ki anketa koja čerdža pe andi škola, ande amare inspekcije angljeder, ja andi dijekh aver statistika koja isi ki škola.
  • Te šaj so pobuter učenikija te ovelljen šukaripe ando amari buti, amen inspektirina pobuter slučaja ko školsko nivo a pohari ko pojedinačna slučaja. Odova značini so iako jekh informacija koja avela ki Školaki inspekcija vačeri ando jekh učenik, amen šaj te odlučina te istražina odova ko školsko nivo.
  • I Školaki inspekcija hem e Čhavorengo hem e učenikongo ombud (BEO) podijekhvar istražinena disave posebna učenikonenge slučajija. Sar ko primer, te džiko doživini maltertiranje, ja te o učeniko na avela ki škola but vakti, ja te ki škola isi ozbiljna nedostatkija te den podrška. Angljeder so e Školaki inspekcija ja e Čhavorengo hem učenikongo ombud (BEO) počinena jekh istraga, amen čera jekh procena da lji tano opravdano e državako nadzor. Odova značini so amen dikha so amen već džana andi škola hem okoljestar koj tano odgovorno, hem sar okova kova tano odgovorno rešini o problemija (nedostatkija).
  • Hem ked na počina jekh istraga, amen hijam but zahvalna so dijan amendže tiklji informacija. Teklje informacije šaj te koristinen pe ko razna načinja hem tane but vredna ki amari nadzorno buti, te dobina jekh opšto slika andi škola.

Transparentnost

Sa o informacije kola dobina ovena javna dokumenta. Odova značini so svako manuš isilje pravo te čitini ljen. I Školaki inspekcija na dela nisave informacije kola tane tajna. I Školaki inspekcija isila dužnost te zaštitini o osetljiva lična podatkija džikastar ko nanelje pravo te koristini ljen ja na valjani te del pristup ko sklad e zakoneja ando arakibe o lična informacije.

Odgovornost za lična podacija

I Školaki inspekcija isila odgovornost sar koristinena pe o lična podatkija. Keda kontaktirineja amen, akala lična podatkija šaj te oven aktuelna:

  • Registrujibe ko amaro it-sistemi
  • Šaj te bičhala te podatkija dži ki jekh aver institucija
  • Sar koristina te podatkija ko nadzorno sistemi
  • Arakhibe hem arkiviribe

Pobuter informacije ando amaro policy andi privatnost hem ando teklje pravija sar jekh registruimo korisnik, šaj te arakhe ko https://www.skolinspektionen.se/Om-oss/integritetspolicy/

Kontakt informacije

Telefon: +46 (0) 8 586 080 00
E-mejl:
Poštansko adresa: Box 23069, 104 35 Stockholm
Vizitakoadressi: Skolinspektionen, Sveavägen 159, Stockholm

Senast uppdaterad: 14 september 2020